Në dekadën e fundit është shtuar ndjeshëm fluksi i shqiptarëve që kanë rendur për të emigruar drejt Gjermanisë. Kjo e fundit është kthyer në një “atdhe” të dytë për qindra mijëra shqiptarë, të cilët aty kanë gjetur atë çka u mungonte në vendin e tyre të lindjes.
Por aktualisht, kur nevoja dhe dëshira e shqiptarëve është mjaftë e madhe për të emigruar në Gjermani, janë disa pengesa që jo të gjithëve u’a bëjnë të lehtë vajtjen.
Një ndër to është njohja e gjuhës gjermane, ku për shkak të mosdhënies së provimit të gjuhës, shumë vetë nuk kryejnë dot bashkimin familjar në Gjermani.
Mes tyre renditen edhe mjaftë persona nga Shqipëria, njofton prestigjiozja “Deuste Welle”.
Sipas një raporti të revistës gjermane “Spiegel”, pamundësia për të dhënë provimin e gjuhës gjermane aktualisht ka bllokuar bashkimin familjar.
Shumë bashkëshorte e bashkëshortë presin të bashkohen me partnerin në Gjermani, shkruan revista e njohur gjermane, dhe agjencia e lajmeve “AFP”, duke iu referuar një përgjigjeje të Ministrisë së Jashtme gjermane pas një kërkese të deputetes të së Majtës, Gökay Akbulut.
Personave të prekur nuk i janë ofruar alternativa të tjera. Testi i gjuhës gjermane është kusht për bashkimin familjar.
Testet e gjuhës gjermane nuk po zhvillohen në 18 vende, mes tyre përmendet edhe Shqipëria, Egjipti, Libani dhe Meksika. Kurse në vende të tjera testi i gjuhës gjermane as nuk ofrohet, 81 vende janë të prekura.
Sipas “Spiegel”, institutet “Goethe” janë duke u përpjekur aktualisht për ofrimin e provimeve online të gjuhës. Kjo media citon ministrin e shtetit, Niels Annen (SPD) me deklaratën se, në këtë drejtim plotësohen standardet në sigurinë kundër falsifikimeve apo mbrojtjes së të dhënave.
Deputetja e majtë Akbulut, kritikoi ashpër qeverinë gjermane.
“E drejta e njeriut për familjen duhet të vlejë pa kufizim edhe në kohë pandemie”,- kërkoi politikanja opozitare e majtë, dhe shtoi se,- “është e papranueshme, që të kërkosh nga bashkëshortët një provë të njohurisë gjuhësore, të cilën ata nuk kanë mundësi ta ofrojnë”.
/Burimi: DW/Përshtati: GazetaReforma.com/
