Dy helikopterë janë nisur për të mbështetur operacionet në Shqipëri, ndërsa më pas, do të dërgohen njësoj nga edhe Çekia dhe Holanda. Përveç kësaj, Sllovenia po dërgon një ekip prej 45 zjarrfikësish në Maqedoninë e Veriut. E gjithë ndihma mobilizohet përmes Mekanizmit të Mbrojtjes Civile të BE-së, me bashkëfinancim nga Komisioni të paktën 75 % të kostove të transportit.
Komisioneri për Menaxhimin e Krizave, Janez Lenarcic, u shpreh: “Ne po punojmë gjatë gjithë kohës për të dërguar ndihmë ndërsa zjarret janë ndezur në të gjithë Evropën. Falënderoj Qipron, Çekinë, Francën, Slloveninë dhe Hollandën që vendosën me shpejtësi aeroplanë zjarrfikës, helikopterë dhe një ekip zjarrfikësish për të mbështetur vendet e prekura shumë nga zjarret në pyje.
Në këtë kohë ndërsa disa vende mesdhetare po përballen me zjarre, Mbrojtja Civile e BE -së sigurohet që mjetet tona të zjarrfikësve në vend të përdoren me kapacitet maksimal. Ky është një shembull i shkëlqyer i solidaritetit të BE -së në kohë nevoje“, u shpreh Lenarcic.
Qendra e Bashkimit Evropian për Koordinimin e Reagimit të Emergjencave është në kontakt të vazhdueshëm me autoritetet e mbrojtjes civile të vendeve të prekura nga zjarret, për të monitoruar nga afër situatën dhe për të kanalizuar ndihmën që do të japë Bashkimi Europian.
