Kreu demokrat Lulzim Basha ka rregulluar sot gafën që bëri ditën e djeshme, ku tha se ‘6 në 4 biznese nuk raportojnë fitim”. Kreu demokrat replikoi me Ramën duke e këshilluar të mos merret me lapsuset e tij të cilat nuk i sjellin asnjë humbje shqiptarëve. Ai tha se në fakt janë 6 në 10 biznese që nuk raportojnë fitim, pra sipas tij shkojnë drejt falimentit.
“Mosmarrja e masave rrezikon jetën shëndetin dhe paqen sociale. Mosmarrja e masave do të thotë të lesh shumicën e shqiptarëve pa bukë. Dje e patë se si një se si një njeri që nuk ka pasur kurrë zemër dhe sy pë shqiptarët e tradhtoi veten e tij sepse e kishte ndjekur konferencën tonë, sepse është tallur me lapsusin. Kur të bëj lapsus herën tjetër do ta nxjerr vetë që të mos merret ai. Ato lapsuset e mia nuk i kushtojnë asgjë shqiptarëve.
Ai lapsus është 6 në 10 biznese, e thotë Banka Botërore, 6 në 10 biznese nuk nxjerrin fitim. Ja pra që i dëgjoka fjalët e mia jo për tu ardhur në ndihmë shqiptarëve por për të vazhduar vjedhjen dhe për të mbushur hapësirës mediatike me gomarllëqe të tilla. Ka cinizmin kriminal të mos i përgjigjet as kërkesave më kriminale për tu ardhur në ndihmë atyre. Meqë e dëgjon konferencën po ia përsëris edhe njëherë planin dhe po i them ti vërë gishtin kokës dhe të mos merret me cic mice dhe gërr vërre, e kuptoj se janë pjesë e reumatizmës politike që e ka zënë”, shtoi Basha.
/GazetaReforma.com/
