Nga Korça ku ndodhet për vizitë, Ambasadori i Britanisë së Madhe, Duncan Norman flet në lidhje me ndryshimet e fundit që kanë ndodhur në Kushtetutë. Ai shprehet se marrëveshja e 5 Qershorit nuk ka ndryshuar e se si qeveri janë të zhgënjyer në lidhje me atë është miratuar.
‘Kushtetuesja ka rol të rëndësishëm për sa i përket zgjedhjeve. E rëndësishme që Gjykata Kushtetuese të formohet sa më pare. Miratimi shkoi përtej marrëveshjes së 5 qershorit. Fatkeqësisht Reforma Zgjedhore nuk ishte konsensuale. Qeveria britanike e zhgënjyer, pozicioni ynë nuk ka ndryshuar. Marrëveshja e 5 qershorit nuk ka ndryshuar.‘- ka thënë ambasadori.
Kuvendi i Shqipërisë miratoi me 97 vota ndryshimet në Kodin Zgjedhor, gjë që nuk u prit mirë nga Ambasada Amerikane, ndërsa misioni i Bashkimit Europian në Shqipëri ishte më e butë në deklaratën e tij, duke u shprehur se ndryshimet nuk e preknin marrëveshjen e 5 qershorit.
/GazetaReforma.com/
