Ka nisur seanca plenare në Kuvend, ku kreu i Grupit Parlamentar të Partisë Demokratike, Gazment Bardhi, ka kërkuar interpelancën me kryeministrin Edi Rama lidhur me pagesën prej 110 milionë euro për Francesco Becchetin.
Bardhi e konsideroi çështjen të rëndësishme për interesin publik dhe kërkoi që interpelanca të shtohej në rendin e ditës, duke theksuar se kryeministri ka premtuar që nuk do të marrë asnjë lekë nga buxheti i shtetit.
Nga ana tjetër, kryetarja e Kuvendit, Elisa Spiropali, u përgjigj se kërkesa është marrë dhe është dërguar në Këshillin e Ministrave dhe te Kryeministri, por për shkak të axhendës të ngjeshur të kryeministrit, interpelanca nuk mund të zhvillohej sot.
Ajo shtoi se kjo interpelancë do të zhvillohet në seancën e ardhshme.
