Banorët e Astirit duket se nuk do të bllokojnë më rrugën, por do të zhvendosen në një pikë akoma më strategjike.
Mësohet se ata do ta zhvendosin protestën pranë shtëpisë së kryeministrit Rama në Surrel, prej nga thonë se nuk do të lëvizin.
Protestuesit do të mbajnë me vete pishtar dhe do të afrohen pranë shtëpisë së Edi Ramës. Sigurisht që me ta do të bashkohen edhe deputetët e opozitës, të cilët kanë paralajmëruar përshkallëzim, por nuk është perceptuar për një mënyrë të tillë.
Prej dy muajsh tashmë banorët e Astirit janë në protestë, pasi shtëpitë e tyre do të prishen për ndërtimin e Unazës së Re, mirëpo nuk do të dëmshpërblehen si duhet nga shteti. Ata kërkojnë dëmshpërblim 100% për banesat e tyre, ndonëse shumica nuk i kanë të legalizuara.
Në këto momente që flasim punimet janë ndaluar për shkak të kompanisë fantazmë që kishte marrë në dorë të realizonte projektin.
