Nuk kanë fund skandalet në spitalet COVID në vendin tonë. Pas rasteve të korrupsiont, mungesës së shërbimit dhe shumë problemeve të tjera, një tjetër denoncim mjaft i rëndë është bërë publik ditën e sotme.
Ka qenë Altin Kuqo, djali i neurologut Ali Kuqo, i cili ndërroi jetë një ditë më parë pasi ishte infektuar me COVID, I cili ka hedhur akuza të forta ndaj shefes së infektivit, Najada Çomo. Kuqo ka thënë se doktoresha në fjalë nuk i ka ofruar shërbimin mjekësor të nevojshëm babait të tij në ambientet e spitalit COVID 1. Rastin është bërë publik në një replikë në rrjetet sociale, ku kuqo shkruan se ka prova që vërtetojnë se Çomo nuk ia shtruar të atin e infektuar në spitalin Covid (Infektivi).
“Babait tim profesor i nderuar i Neurologjise dhe ish mjekmi QSUNT dhe mua si mjek qe punoj ne QSUNT na u refuzua sherbimi prane spitalit Covid 1 nga shefja Najada. Dhe une disponoj te gjitha provat e refuzimit te sherbimit prej saj,”- shkruan Altin Kuqo në komente.
Ngjarjet e rënda që përfshijnë çdo ditë sistemin shëndetësor vazhdojnë të mbeten pa përgjegjës, ndërsa kryeministri Rama dhe ministrja e Shëndetësisë mendojnë vetëm si të bëjnë shfaqje me dozat qesharake të vaksinës që kanë ardhur në vendin tonë. Askush nuk e pranon kolapsin shëndetësor, edhe pse prej ditësh janë ezauruar një pjesë e spitaleve COVID në tiranë, që çuan në hapjen edhe të spitaleve COVID në rrethe.
