Pogradec- Tre të rinj, njëri prej të cilëve pronar lokali, janë arrestuar së fundmi.
Policia e Pogradec bën me dije se në vijim të punës për zbatimin e masave me qëllim parandalimin e përhapjes së Covid-19, në lagjen nr. 2, në katin e parë të banesës së shtetasit F. B., ka konstatuar të hapur lokalin, brenda të cilit ndodhej ky shtetas me dy shtetasit e tjerë K. T., dhe N.
Tre shtetasit e mësipërm, kanë kundërshtuar me dhunë punonjësit e policisë, duke mos iu bindur urdhrave të tyre për kontrollin e lokalit dhe shoqërimin për në komisariat, teksa gjatë kontrollit fizik shtetasit K. T., iu sekuestrua në cilësinë e provës materiale një armë e ftohtë (thikë).
Në përfundim të veprimeve të para, u bë arrestimi në flagrancë i shtetasit F. B., 19 vjeç, ndaj të cilit u mor edhe masë administrative sipas Aktit Normativ, neni 3, pika 7, shtetasit K. T., 20 vjeç, si dhe N. K., 19 vjeç, (i dënuar më parë për veprën penale “Vjedhja me dhunë”), banues në Pogradec.
Materialet i kaluan Prokurorisë pranë Gjykatës së Shkallës së Parë Pogradec për veprat penale “Kundërshtimi me dhunë i punonjësit të policisë së rendit publik”, “Prodhimi, mbajtja, blerja apo shitja pa leje e armëve të ftohta”.
