Dy shqiptarë kanë rënë në prangat e policisë britanike ditën e sotme, pasi akuzohen për transport të lëndëve narkotike.
Bëhet fjalë për Mikelian Baca dhe Egli Hazizolli, dy të rinjë nga qyteti i Elbasanit, që kishin ndaluar në një nga rrugët e Londrës, në momentin kur Policia bëri prangosjen e tyre.
Efektivët kanë gjetur në makinë afro 14 kilogramë kokainë të klasit A dhe 200 mijë paund.
Nga hetimet e para, dyshohet se dy shqiptarët janë pjesë e një grupi të strukturuar kriminal, baza e të cilit gjendet në qytetin e Elbasanit, megjithatë akuzat nuk janë pranuar nga asnjëri prej tyre.
Para hetuesve ata janë shprehur se janë transportues të kokainës, megjithatë nuk kanë dhënë asnjë detaj se ku furnizoheshin dhe ku e shisnin ‘mallin’.
Mikelian Baca, 26 vjeç dhe Egli Hazizolli, 24 vjeç, u shpallën fajtor nga Gjykata e Harrow Crown më 6 maj për “Posedim dhe tentativë shitje droge klasi A” dhe “Pastrim parash”, ndërsa dënimi për ta do të jepet më 1 qershor, raporton Dosja.al.
https://www.dailymotion.com/video/x7tvybn
Kujtojmë se në një raport të publikuar nga Ministria e Drejtësisë britanike rezulton se shqiptarët janë nacionaliteti i parë me më shumë të burgosur në Britaninë e Madhe krahasuar me nacionalitetet e huaja.
Referuar të dhënave të raportit, numri i shqiptarëve në burgjet britanike është rritur 4-fish në raport me vitin 2013, duke përbërë një të dhjetën e personave me shtetësi të huaj në Angli dhe Uells.
LEXO: Burgjet angleze ‘mbipopullohen’ nga shqiptarët, ja krimet që bëjnë më shpesh
