Ditën e sotme është arrestuar biznesmeni Ilir Rrapaj dhe Klodian Rjepaj, ish-zv ministër i Shëndetësisë në lidhje me koncesionin e sterilizimit. Të përfshirë në aferën e koncesionit të sterilizimit, që çoi pas hekurave Rjepajn dhe Rrapajn janë edhe 6 persona të tjerë.
Lidhur me këto arrestime masive për një koncension që është mbrojtur disa herë nga vetë kryeministri Rama, ka folur për “News 24” kreu i “Nismës Thurje” Endri Shabani. Ai u shpreh se ky është në fakt një hetim i vonuar dhe nuk mjafton që të mbetet vetëm në nivel zv.ministrash por të shkojë akoma më lart në hiearkinë e pushtetit. Gjithashtu Shabani theksoi se paratë e vjedhura duhet t’iu kthehen qytetarëve shqiptarë.
Ndër të tjera Endri Shabani thotë se paratë e vjedhura janë bërë vila, të cilat do të ishte mirë të ktheheshin në qendra shëndetësore.
“Ne kemi zgjedhur një rrugë të përballjes, pa ndonjë spektakël, por me rezultat. Unë mendoj që nuk mjafton të mbetemi në nivel zv.ministrash. Këtu janë vjedhur paratë. Këto para janë bërë vila, janë fshehur nëpër bodrume, jahte. Pasuria që i është vjedhur këtij populli është shumë më e madhe. Vilat që janë ndërtuar me këtë sterilizim duhet të kthehen në qendra shëndetësore. Pra hetimet duhet të shkojnë më lart si edhe duhet t’u kthehen paratë qytetarëve. Ne kemi besuar që lufta e vërtetë në Shqipëri duhet të jetë institucionale, në SPAK kemi çuar gjashtë çështje. Këta ruajnë njëri-tjetrin. Këta janë në një nivel shantazhi me njëri-tjetrin. Ne jemi të rinj dhe duam një frymë tjetër. në 30 vite këta nuk e kanë prekur njëri-tjetrin, kanë qenë në marrëveshje me njëri-tjetrin. Kjo është një nga aferat e promovuara nga Edi Rama. Rama duhet arrestuar ose për korrupsion ose për paaftësi. Nëse njerëzit kanë zgjedhur një kryeministër që promovon afera që dalin të korruptuara, ose është i djallëzuar ose është i paaftë. Ndaj nuk e përjashtoj edhe Edi Ra
