Ministria e Shëndetësisë Ogerta Manastirliu vijon me apelin e mbajtjes së maskave dhe këtë herë ka zgjedhur apelin e një mjeku që merret me pacientët e prekur me Covid-19 për vendosjen e maskave.
Ndërkohë Manastirliu theksoi se në spitale ka edhe mosha të reja dhe se ekipet mjekësore në dy spitalet Covid nuk po i reshtin përpjekjet për të ndihmuar të prekurit.
Gjithashtu ministrja bën apel që të mbrojmë veten dhe njerëzit tanë të dashur dhe të ndihmojmë mjekët dhe infermierët duke mbajtur maskën në amient të mbyllur.
Mesazhi i Manastirliut
🔴#COVID19
Ekipet mjekësore në spitalin #Infektiv dhe “Shefqet Ndroqi” nuk po i rreshtin përpjekjet në ndihmë të të prekurve nga SARS COV2, ku ka sërish shtrime, edhe të moshave të reja në spitale.
🙏🏼 Të mbrojmë veten dhe njerëzit tanë të dashur dhe t’i japim një dorë mjekëve dhe infermierëve, duke zbatuar këtë masë të thjeshtë 😷 në çdo ambient të mbyllur👇
#BASHKË 🤜#COVID19🤛
Kujtojmë se 3 pacientë të tjerë kanë humbur jetën nga Covid-19 në 24 orët e fundit në Spitalin Infektiv, duke e çuar në 107 numrin total të viktimave që nga nisja e epidemisë. Ministria e Shëndetësisë informoi se bëhet fjalë për një 52 vjeçar nga Tirana, një 57 vjeçar nga Kukësi dhe një 59 vjeçar nga Korça.
Ndërkohë, nga 431 testime që janë kryer, kanë rezultuar 55 raste të reja, duke shënuar kështu një ulje të ndjeshme të numrave që prej ditësh ishin tepër të lartë.
