Ditën e djeshme ka ndodhur një aksident në të cilën u përfshi një efektiv i burgut të Peqinit, Hekuran Pishta.
Mësohet se efektivi i policisë ishte duke udhëtuar me motor, kur është goditur nga një makinë që i shkaktoi disa plagë dhe momentalisht efektivi ndodhet i shtruar në spitalin e Traumës në Tiranë.
Shqiptarja.com shkruan se për këtë ngjarje është ndaluar dhe shoqëruar në policinë e Elbasanit, Bledar Muça, drejtuesi i automjetit.
Muça, është një emër jo pak i njohur për Policinë e Shtetit, pasi është arrestuar disa herë për ngjarje të rëndë dhe sërisht është liruar nga gjykata.
Muça është personi që u dënua me 2 vite burgim nga gjykata e Elbasanit për goditjen me armë të dy efektivëve të Grupit të Operacioneve Speciale në Policisë e Shtetit, goditje kjo që është kryer gjatë detyrës së tyre, teksa po mbanin në vëzhgim situatën në lagjen e Çapjave në Elbasan.
Bledar Muça, është pjesë e këtij grupi në këtë qytet dhe konsiderohet si miku i familjes “Çapja”.
