Një aksident i rëndë u regjistrua ditën e djeshme në zonën e Porcelanit në kryeqytet.
Si pasojë e përplasjses së dy automjeteve, humbën jetën dy kalimtarë, të cilët po ecnin në trotuar.
Policia arrestoi menjëherë drejtuesit e mjeteve Edmond Muratin dhe Etjon Lazrin.
Nga veprimet paraprake, rezultoi se nuk ishin në gjendje të dehur.
“Nuk e dimë si ndodhi, pamë vetëm kur u përplasëm” mësohet se kanë thënë dy shoferët e arrestuar, shkruan “Shqiptarja.com”.
Aksidenti i rëndë u regjistrua ditën e djeshme rreth orës 15:15.
Dy viktimat, Erion Balla 36 vjeç dhe Hidajete Salliu 72 vjeçe, po ecnin në trotuar kur u përplasën nga njëra prej dy makinave.
“Volksëageni” i drejtuar nga Etjon Lazri, po lëvizte me shpejtësi tej normave të lejuara.
Gjatë përplasjes me “Golfin, i cili po tentonte të kthehej majtas “Volkswageni” përfundoi në trotuar, duke i marrë jetën 2 personave.
