18 vjeçarja Shqiponja Xhaferri ka ndërruar jetë pak më parë në spitalin e Traumës në Tiranë.
Ajo u plagos gjatë një aksidenti, që ndodhi mëngjesin e sotëm, në aksin Tepelenë – Krahës, ku një minibusi i linjës Sarandë-Elbasan u përplas me një mjet tip ‘Volkswagen” dhe për pasojë u plagosen 8 persona, 1 prej tyre në gjendje të rendë i cili është dërguar po ashtu me helikopter në spitalin e Traumës në Tiranë.
Në mjetin tip “Volkswagen” udhetonte një çift te rinjsh nga fshati Toç i Tepelenës, Shqiponja Xhaferri, 18 vjeçe dhe i fejuari i saj, Sokol Brahimi 26 vjeç.
Personat e tjerë të plagosur po marrin mjekimin në spitalin e Gjirokastres. Nga përplasja Minibusi dhe mjeti “Volkswagen” kanë dalë nga rruga. Policia e Tepelenës po punon për zbardhjen e shkaqeve të aksidentit.
Informacion paraprak.
Në aksin rrugor Memaliaj -Krahës, në afërsi të fshatit Toç, Memaliaj janë përplasur automjet “volkswagen” me autobuzin e linjës Sarandë–Elbasan, ku si pasojë janë dëmtuar drejtuesi i autoveturës(shtetasi E.K) dhe pasagjeria (Sh.Xh), e cila ndodhet në reanimacion në Spitalin Rajonal “Omer Nishani”, Gjirokastër. Gjithashtu janë dëmtuar lehtë dhe disa pasagjerë të autobuzit, të cilët po marin ndihmë mjekësore. Grupi hetimor ndodhet në vendngjarje dhe po punon për zbardhjen e shkaqeve të aksidentit.
