Rrugët e vendit janë përgjakur sërish pas mesnatës së djeshme me aksidentin e rëndë që ka ndodhur në aksin Gostimë-Mollas. Një 33-vjeçar ka humbur jetën, ndërsa ka humbur kontrollin e mjetit duke dalë nga rruga. Po ashtu i plagosur ka mbetur një 29-vjeçar, i cili ishte pasagjer në mjet. Grupi hetimor po punon për zbardhjen e shkaktut të aksidentit.
Njoftimi i policisë:
Një aksident tragjik ka ndodhur rreth orës 01:45, në aksin rrugor Gostimë- Mollas, në fshatin Lumas, mjeti tip “Audi”, me drejtues shtetasin R.H., 33 vjeç, ka humbur kontrollin e drejtimit të mjetit dhe ka dalë nga rruga.Si pasojë e aksidentit ka ndërruar jetë drejtuesi i mjetit shtetasi R.H., dhe është plagosur pasagjeri shtetasi E.Q., 29 vjeç, banues në fshatin Floq, Cërrik i cili ndodhet nën kujdesin e mjekëve.Grupi hetimor po punon për zbardhjen e shkaktut të aksidentit.
Një tjetër aksident tragjik ndodhi ditën e djeshme në Gramsh, ku një minibus u përmbys në Greminë. Si pasojë humbi jetën një person dhe dhe u plagosën 9 të tjerë. Ishte 30-vjeçari Ledian Lami ai që humbi jetën tragjikisht në aksident, ndërsa policia arrestoi drejtuesin e mjetit. Atij iu komunikua urdhri i ndalimit në spital, ndërsa mësohet se ka pësuar luhatje tensioni dhe si pasojë ka humbur kontrollin e mjetit.
