Një aksident ka ndodhur në aksin nacional Berat-Ura Vajgurore, konkretisht në fshatin Otllak.
Si pasojë e aksidentit një 65-vjeçar ka gjetur vdekjen.
Gramoz Zani i ka ndërprerë rrugën një mjeti tip ‘Benz E-Class’, me targa AA 973 YJ.
Nga informacionet paraprake, bëhet me dije se Zani ka qenë në gjendje të dehur.
Ai është dërguar me urgjencë drejt Spitalit Rajonal të Beratit, ku me gjithë ndërhyrjen e menjëhershme të mjekëve të Repartit të Urgjencës, ka ndëruar jetë pak minuta më vonë.
Ndërkohë, drejtuesi i mjetit A.H. është shoqëruar në polici.
Në vendngjarje kanë shkuar ekspertë të policisë rrugore, të cilët po hetojnë rreth shkaqeve të aksidentit në këtë aks problematik .
Mësohet se viktima Gramoz Zani ishte një person i braktisur, i alkolizuar dhe që jetonte prej kohësh rrugëve në zonën e Kombinatit.
