Një aksident tragjik ka ndodhur këtë mëngjes në aksin Librazhd-Prrenjas, ku një 31-vjeçar me inicialet E. M. ka humbur jetën.
Automjeti i tij është përplasur me një kamion që drejtohej nga një 30-vjeçar me inicialet Y. Z.
Si pasojë e përplasjes, E. M. ka ndërruar jetë në vendngjarje, ndërsa pasagjeri që ndodhej në makinë me të është plagosur dhe është në kujdesin e mjekëve.
Drejtuesi i kamionit është shoqëruar në polici për kryerjen e procedurave të mëtejshme.
Njoftimi:
Në aksin rrugor “Librazhd-Prrenjas”, automjeti me drejtues shtetasin E. M., 31 vjeç, banues në Korcë, është përplasur me kamionin me drejtues shtetasin Y. Z., 30 vjeç. Si pasojë e aksidentit ka humbur jetën në vendngjarje shtetasi E. M., dhe është dëmtuar pasagjeri që udhëtonte me të, i cili është në kujdesin e mjekëve.
Drejtuesi i kamionit, shtetasi Y. Z., është shoqëruar në polici, për kryerjen e veprimeve procedurale. Grupi hetimor vijon punën për zbardhjen e rrethanave dhe shkakut të aksidentit.
