Pesë automjete janë përfshirë në një aksident rrugor në aksin Elbasan-Librazhd.
Ngjarja ka ndodhur në orën 18:00 të ditës së sotme në vendin e quajtur Labinot.
Si pasojë e aksidentit kanë mbetur të plagosur lehtë dy persona, si dhe ka pasur dëme të lehta materiale.
Një prej të plagosurve është një 40-vjeçare, e cila ndodhet në spital, jashtë rrezikut për jetën.
Burime në terren raportojnë për Balkanweb se shkak i aksidentit është bërë kalimi me shpejtësi i një eskorte policie.
Si duket, drejtuesit e makinave të përfshira në aksident janë hutuar nga sirenat dhe shpejtësia e eskortës dhe kanë humbur kontrollin.
