Një aksident i rëndë është shënuar mëngjesin e së enjtes pranë qytezës së Ulzës, ku një automjet tip betoniere ka dalë nga rruga dhe ka rënë disa metra më poshtë, në një terren të thepisur.
Ngjarja ndodhi mbi nënstacionin e hidrocentralit, në aksin hyrës për në Ulëz.
Sipas informacioneve paraprake, drejtuesi i mjetit është transportuar menjëherë drejt Spitalit të Traumës në Tiranë dhe ndodhet jashtë rrezikut për jetën.
Burime bëjnë me dije se drejtuesi i betonieres ishte i angazhuar në punimet për rivitalizimin e vijës liqenore të Ulzës, projekt i cili po zbatohet nga një firmë ndërtimi në zonë. Shkaqet e daljes nga rruga mbeten ende të paqarta.
