Një aksident me pasojë vdekjen është regjistruar ditën e sotme në aksin Korçë-Pogradec.
Një makinë me targa greke është përplasur me një trajler në fshatin Petrushë.
Si pasojë e përplasjes, ka ndërruar jetë drejtuesi i makinës, shkruan “Top Channel”.
Identiteti i viktimës nuk është bërë ende i ditur.
Ndërkohë polica ka mbërritur menjëherë në vendngjarje dhe po punon për zbardhjen e rrethanave të aksidentit.
Ky është aksidenti i dytë për ditën e sotme, pasi në orët e para të mëngjesit, një trajler u përplas me një autobus në Librazhd.
Si pasojë e përplasjes një person humbi jetën, ndërsa dy të tjerë u plagosën.
