Në emisionin “Fiks Fare” mbrëmjen e djeshme është transmetuar një ngjarje e rëndë. Një rast incesti brenda një familjeje shqiptare ka shokuar opinionin publik.
Babai ka abuzuar sistematikisht me vajzën e tij për vite me radhë e për të mos mjaftuar vetëm kjo, babai e dhunonte vajzën që ajo të mos tregonte.
Vetë vajza e dhunuar tregon në “Fiks Fare” tmerrin që ka përjetuar për tre vite në familjen e saj. Sot është 18 vjeçe, por në momentin e abuzimit të parë ka qenë vetëm 15 vjeçe.
18 vjeçarja me anë të rrjeteve sociale u vu në kontakt me emisionin “Fiks Fare”.
Gjithçka kishte filluar në Gjermani ku ajo së bashku me familjen e saj kishin shkuar si azilantë. Ajo ishte vetëm 15 vjeçe dhe atje ishte njohur me një djalë, lidhja ishte marrë vesh edhe nga familjarët dhe një ditë i ati e kishte ftuar të dilnin të dy bashkë në shëtitje.
“Më çoi afër një liqeni, aty më tha ne do bëjmë të dy të njëjtat gjëra që ti ke bërë me atë djalin. Nëse do më kundërvihesh dhe do tregosh për çfarë do të ndodh këtu unë do të mbys në liqen”, ka treguar 18-vjeçarja.Ndërkohë që abuzimi nuk u ndërpre edhe pse ata u kthyen në Shqipëri. Madje familja e saj vendosi ta fejonte vajzën me shkuesi për të mbyllur çështjen dhe turpin.
Vajza i ka treguar gazetares se i fejuari i kishte dhënë asaj një cellular, për të regjistruar babain e saj dhe për të pasur prova për të gjitha gjërat që ajo thoshte, pasi askush nuk kishte për ta besuar historinë e saj.
Ajo madje ka treguar se babai i saj do ta çonte edhe në një mjek për ta qepur dhe për t’i rikthyer nderin.
Së fundmi është bërë e ditur babai monstër, 48-vjeçar është arrestuar nga Specialistët e Hetimit të Krimit në Komisariatin Kurbin.
Të ditura bëhen edhe inicialet e tij. Ato janë Sh.I. Mbi 48-vjeçarin rëndon vepra penale të “Marrëdhënie seksuale me persona në gjini ose nën kujdestari’’, parashikuar nga neni 106 i Kodit Penal.
Në rrëfimin e saj, ajo tregoi edhe se e ka denoncuar në polici babain e saj, por një nga policët në komisariat ishte shoku i babait të saj. Në këtë mënyrë babai i saj e kishte marrë vesh për denoncimin dhe e kishin detyruar vajzën që të tërhiqte kallëzimin në polici.
Babai e dhunon seksualisht, nëna s’i beson ” Ça u bë u bë”
Vajza e abuzuar seksualisht nga i ati, vendosi që historinë e saj t’ja tregonte edhe nënës së vet, por kjo e fundit edhe nuk e ka besuar. Vajza ka dashur që të tre, bashkë me nënën edhe babain të ballafaqohen me njëri-tjetrin. Por kur vajza i tregoi nënës regjistrimet që ka bërë, babai i kërkoni që të mbyllej me aq dhe se kjo gjë nuk kishte për t’i ndodhur më.
Madje qëndrimin e të atit i mbajti edhe e ëma, ku e detyroi edhe vajzën të fshihte regjistrimet që kishte në telefon dhe se kjo histori të mbyllej brenda për brenda shtëpisë së tyre.
Prindërit e vajzës kanë menduar se zgjidhje për të gjithë këtë situatë do të jetë martesa e vajzës dhe largimi i saj nga shtëpia.
Por gjatë këtyre viteve që vajza është abuzuar nga i ati, ndaj saj është ushtruar edhe shumë dhunë fizike. Këtë jë edhe vetë vajza e ka dejklaruar edhe para gazetares, por edhe në regjistrime edhe babai i saj e pranon këtë fakt.
