Hekuran Hoxha terrorizoi tre ditë më parë qytetin e Çorovodës pasi po qëllonte me armë zjarri.
Polica dhe RENEA zbarkuan në lagjen ku janë dëgjuar të shtëna, duke vënë që kanë ardhur nga brendësia e hyrjes së Hekuran dhe Hysen Hoxha.
Pasi është kryer evakuimi i banorëve të pallatit, sërish u është bërë thirrje personave që ndodheshin në banesë për të hapur derën, por me gjithë thirrjet e vazhdueshme Hekuran dhe Hysen Hoxha nuk kanë bërë asnjë reagim.
Me ndërhyrjen e negociatorit të forcave speciale, në orën 01:00 të mesnatës së 29 prillit 2020, Hekuran Hoxha hapi derën e banesës dhe u vetëdorëzua dhe pas kontrolleve brenda në banesë u gjet një automatik tip kallashnikov me 28 fishekë në karikator.
Prokurori i çështjes Gentian Abazaj, i kërkoi trupit gjykues të caktojë masën e sigurisë arrest në burg për Hekuran Hoxhën, ndaj të cilit prokuroria ka ngritur akuzën e “Mbajtjes pa lejë të armëve të zjarrit” dhe “Prishjes së qetësisë publike”.
Por, Gjykata ka vendosur të caktojë masën e “arrestit në shtëpi” për Hekuran Hoxhën, duke urdhëruar që ky person të mbahet nga policia në izolim shtëpiak.
Hekuran Hoxha, konsiderohet si person me probleme mendore.
