Vrasja e biznesmenit Adrina Nikulaj në Shëngjin tronditi të gjithë vendin, teksa para disa ditësh Policia e Shteit zbardhi dinamikën e ngjarjes.
Referuar informacioneve që Policia e Shtetit, ka mbledhur lidhur me ekzekutorin e Ardian Nikulajt dyshohet se ai fshihet në Greqi. Burime bëjnë me dije se portugezi Saraiva, vijon të jetë në Greqi.
Referuar sistemit TIMS- portugezi, ka dalë nga territori i Shqipërisë një ditë pasi ekzekutoi Nikulajn.
Ai ka hyrë në Kapshticë më datë 20 Prill, ndërsa sipas autoriteve greke që prej asaj dite, ai nuk e ka dalë nga shteti grek.
Përveç portugezit në kërkim për atentatin e 19 prillit vijon të jetë edhe shtetasi anglez Herry Simson.
Policia po shkëmben informacione si me autoritet portugeze, por edhe me ato angleze për arrestimin e tyre.
Kujtojmë se një ditë më parë në pranga përfunduan Edmond Haxhia dhe 3 shtetas anglezë të cilët dyshohet se janë të përfshirë në vrasjen e 50 vjeçarit.
Pas arrestimit të Edmod Haxhisë, që dyshohet se është porositësi i vrasjes së Ardian Nikulajt, është vënë në pranga britanikja Harriet Bridgeman, e përfshirë në vrasje si vëzhguese.
Ajo është arrestuar pas bashkëpunimit të policisë shqiptare me homologët në Britaninë e Madhe. Pritet që ajo të ekstradohet drejt vendit tonë.
Më herët policia njoftoi se u arrestuan edhe dy shtetas të tjerë britanikë krahas porositësit. Vijon të jetë në kërkim ekzekutori dhe një shtetas britanik.
