Gjykata e Tiranës ka marrë vendimin për Robert Perpepajn, i cili ekzekutoi me armë zjarri 17-vjeçaren, Griselda Gjikolaj në zonë e Laprakës. Gjykata vendosi sot ta dënojë Robert Perpepajn me burgim të përjetshëm.
Ngjarja ndodhi më 26 dhjetor në 2018-ën, ku Perpepaj qëlloi me dy plumba në kokë 17-vjeçaren. I plagosur mbeti edhe shoku i viktimës, Erion Benga. Robert Perpepaj nuk është një emër i panjohur për drejtësinë.
23-vjeçari është dënuar me 2 vite e 6 muaj burg në 2016-ën, pasi ka shantazhuar një vajzë. Autori u ndihmua edhe nga Ronald Muzhaqi, i cili u dënua me 23 vite burgim. Perpepaj është i shpallur në kërkim, ndërsa Muzhaqi ndodhet nën arrest.
NGJARJA
Natën e ngjarjes, më 26 dhjetor të 2018-ës Griselda kishte dalë më të fejuarin, mikun e tij Erion Benga dhe një shoqe të saj në një nga lokalet e zonës.
Rreth orës 18.05 minuta, ata kanë lanë lokalin dhe u drejtuan për tek makina tip Mercedez Benz model E-class, ne pronësi të Erion Bengos.
Në dosjen e prokurorisë sqarohej e në timon ishte ulur Benga, pasagjer në vendin e parë ishte, Samiri, ndërsa dy vajzat ishin në sediljen e pasme.
Menjëherë sapo makina nisi lëvizjen, sipas dëshmisë së 26-vjeçarit Benga, dy persona i prenë rrugën dhe nisën të godasin automjetin.
Ai ka tentuar të largohet duke shtuar shpejtësinë. Brenda pak sekondash, Përpepaj ka dalë në anën e majtë të makinës dhe ka qëlluar me dy plumba në kokë 17-vjeçaren.
Plumbat kanë kapur edhe Erion Bengajn. Referuar dëshmive, rezulton se Ronald Muzhaqi, ka vijuar të godasë automjetin, nga ana ku ishte ulur Samiri, i fejuari i viktimës.
Për fat të mirë, ai dhe mikesha e ngushtë e vajzës, nuk u prekën nga plumbat. 26-vjeçari Benga ndonëse i plagosur, udhëtoi me automjetin e tij drejt spitalit të Traumës. Por ende pa mbërritur në duart e mjekëve, Griselda kishte ndërruar jetë.
