Mbrëmjen e së dielës ndaj 37-vjeçarit Iljaz Çali u bë një atentat me pasojë vdekjen në një rrugë dytësore në aksin Tiranë-Durrës.
Ndërkohë që të paktën 15 persona janë shoqëruar në komisariat për t’u marrë në pyetje lidhur me vrasjen e Iljaz Çalit. Personat e marrë në pyetje janë familjarë të viktimës, por edhe persona që kanë pasur përplasje e konflikte në biznes me viktimën.
Theskojmë se vëllai i viktimës, Zeqir Çali është shprehur se një person me inicialet Rr.D, prej tre vitesh u kishte një borxh prej 1 milionë dollarësh, ndërsa konflikte kanë pasur edhe një person tjetër, me inicialet I.C., për biznesin e kromit.
Dëshmitë e administruara kanë qartësuar edhe pistën kryesore të hetimeve, ku po punohet për zbardhjen e ngjarjes, pra, atë të larjes së hesapeve për konfliktet e biznesit. Hetuesit kanë dalë në përfundim, se vrasja e 37-vjeçarit është kryer nga vrasës me pagesë.
Burime bëjnë me dije se në autimjetin nga ku u qëllua me breshëri kallashnikovi, fuoristrada e Çalit kanë qenë 3 persona. Ndërkohë dyshimet janë se 37-vjeçari është mbajtur në vëzhgim nga një tjetër person, i cili i ka dhënë autorëve informacion për levizjet e viktimës.
Ky është dhe shkaku që hetuesit dyshojnë se janë vrasës me pagesë, pasi autorët kanë ditur çdo lëvizje të viktimës, madje e ka ndjekur atë nga pas, dhe finalzimin e atentatit e kanë zgjedhur jo më kot në në afërsi të mbikalimit të Rinasit, me qëllim që të kishin mundësi që të dilnin me shpejtësi nga autostrada.
Atentati ndaj Çalit ndodhi mbrëmjen e së dielës në autostradën Tiranë-Durrës, pranë Rinasit, biznesmeni Iljaz Çali është qëlluar për vdekje me breshëri kallashnikovi. Rreth orës 22:30, 37-vjeçari po shkonte drejt banesës së tij në Rinas, por një mjet i preu rrugën duke e qëlluar me breshëri kallashnikovi, ngjarje të cilën Dosja.al raportoi e para duke sjellë pamjet nga vendi ku ndodhi përplasja. Një prej pistave që po heton Policia dhe Prokuroria e Tiranës është përplasja për minierat e kromit.
Kujtojmë që Iljaz Çalit iu bë atentat në një moment ku dritat në autostradë ishin të fikura për shkak të nismës së re të qeverisë Rama e cila ka si synim kursimin e energjisë në këtë kohë krize. Mirëpo ky kursimka sjellë shtimin e shumë atentateve dhe aksidenteve në vend. Autorët që vranë Çalin kanë qenë të favorizuar për shkak të fikjes së dritave dhe kanë gjetur mundësinë për të vrarë biznesmenin. Gjithashtu në vendin ku nodhi ngjarja nuk ka pasur kamera sigurie dhe policia e ka të vështirë tashmë identifikimin e autorëve për të zbardhur këtë ngjajre të rëndë.
