Interpol Tirana ka finalizuar ekstradimin nga Zagrebi drejt Shqipërisë të shtetasit A. Ll., 51 vjeç, lindur në Lezhë, i shpallur në kërkim ndërkombëtar për veprimtari të lidhur me trafikun e narkotikëve.
A. Ll. ishte në arrati që prej vitit 2023, kur Gjykata e Lezhës kishte caktuar ndaj tij masën e sigurisë “arrest në burg”.
Ai akuzohet për përfshirje në një rast të transportimit të një sasie lënde narkotike të llojit Cannabis Sativa, me qëllim shitjen një ngjarje e ndodhur pranë mbikalimit të Rrëshenit dhe goditur nga Policia vitin e kaluar.
Pas ekstradimit, autoritetet shqiptare konfirmuan se i kërkuari tashmë ndodhet në vend dhe do të përballet me akuzat që rëndojnë mbi të në një proces gjyqësor që do të zhvillohet në vijim.
Njoftimi:
Interpol Tirana
Ekstradohet nga Zagrebi, një shtetas me masë sigurie “Arrest në burg”, nga Gjykata e Lezhës, për prodhim/shitje narkotikësh.
Si rezultat i bashkëpunimit të ngushtë ndërmjet Interpol Tiranës dhe homologëve në Kroaci, u finalizua procedura e ekstradimit në Shqipëri, të shtetasit të shpallur në kërkim ndërkombëtar, A. Ll., 51 vjeç, i lindur në Lezhë.
Gjykata e Lezhës, në vitin 2023, i ka caktuar këtij shtetasi, masën e sigurisë “Arrest në burg”, për veprën penale “Prodhimi dhe shitja e narkotikëve”.
Në vitin 2023, dyshohet se ky shtetas ka qenë i implikuar në një rast të transportimit të një sasie lënde narkotike Cannabis Sativa, me qëllim shitjen, rast i goditur nga Policia, te mbikalimi i Rrëshenit.
