Policia e Shtetit ka realizuar me sukses ekstradimin drejt Italisë të tre shtetasve shqiptarë të shpallur në kërkim ndërkombëtar për përfshirje në veprimtari kriminale, kryesisht në fushën e trafikut të drogës dhe pjesëmarrjes në organizata kriminale.
Operacioni u finalizua përmes bashkëpunimit të ngushtë mes Interpol Tiranës dhe Interpol Romës, duke bërë të mundur dorëzimin e këtyre shtetasve:
• Albert Koni, 51 vjeç, i dënuar nga Gjykata e Torinos me 4 vjet e 6 muaj burg për “prodhim dhe shitje të narkotikëve”. Ai akuzohet se ka shpërndarë kokainë në zona publike në Arona dhe Novara gjatë vitit 2017.
• R. A., 21 vjeç, për të cilin Gjykata e Milanos ka lëshuar masën e sigurisë “arrest në burg”, i dyshuar për trafik narkotikësh në kuadër të një organizate kriminale që ka vepruar në Milano gjatë viteve 2022-2024.
• A. F., 39 vjeç, kërkuar nga autoritetet italiane në Gjenova për trafikim droge dhe armëmbajtje pa leje, në kuadër të hetimeve të operacionit “COOK 2020”.
