Qarku i Kukësit prej 4 vitesh vuan mungesën e mjekëve ligjore.
Kjo situatë ka shkaktuar vonesa në proceset gjyqësore, por edhe irritim tek qytetarët.
Në rastet kur ka qenë e nevojshme, mjeku ligjor ka ardhur nga Tirana.
Mirëpo vonesat kanë sjellë irritim te familjarët e të ndjerëve.
Këtë fakt e konfirmon edhe prokurori i Kukësit, Edmon Karriqi, në një prononcim për gazetareforma.com.
Ndër të tjera ai shton, se jo në pak raste, qyetarët janë përplasur me policinë, e cila nuk u ka lejuar të marrin trupat e të afërmve.
“Ne mundohemi të bëjmë më të mirën por nuk është e thjeshte. Qarku i Kukësit prej 4 vitesh nuk ka mjek ligjor që do të thotë që për çdo rast, mjeku ligjor duhet te vijë nga Tirana. Një gjë e tillë krijon vonesa të shumta dhe irritim te familjarët e të ndjerëve, të cilët jo në pak raste janë përplasur me policinë, për shkak të këtyre vonesave të panevojshme”, tha Karriqi.
