Dëmtimet me pasoja të parikuperueshme që i kemi sjellë natyrës ndër vite po na kthehen pas tani me shpejtësi.
Kjo gjë po ndodh edhe me fenomenin e erozionit i cili po gllabëron sipërfaqe të tëra plazhi dhe pyjesh në Vlorë.
Gërryerja e plazhit dhe brezit të gjelbër ka krijuar një situatë alarmante duke bërë që pishat 70-vjeçare të përfundojnë në det, por dhe plazhi të tkurret nga viti në vit.
Një vijë kilometrike nga fundi i Plazhit të Vjetër deri në afërsi të Tri Portit, çdo vit humbet plazh nga hyrja e detit në tokë por dhe duke rrëzuar pishat shumëvjeçare.
Banorë dhe peshkatarë tregojnë që plazhi pasa disa vitesh ka qenë rreth 100 m , që sot është i mbuluar nga uji i detit, ku dhe bunkerët janë mbuluar nga uji.
Krahas faktorëve natyrorë në zhvillimin e erozionit dhe degradimin e kësaj vije bregdetare ka ndikuar edhe njeriu nëpërmjet mbetjeve urbane dhe keqpërdorimit të këtyre pyjeve.
/Burimi: TCh/GazetaReforma.com/
