Një person rreth 60 vjeç, ka ndërruar jetë ditën e sotme në fshatin Vrap.
Mësohet se viktima me iniciale H.M., punonte si mirëmbajtës rrugësh në Baldushk të Tiranës.
Ai ndërroi jetë si pasojë e kontaktit me rrymën elektrike, gjatë kohës që po punonte.
Grupi hetimor ndodhet në vendngjarje dhe po punon për zbardhjen e saj.
Tiranë/Informacion paraprak
Më datë 10.03.2020, rreth orës 12:45, në Qendrën Shëndetësore në Baldushk është dërguar pa shenja jete shtetasi H. M., rreth 60 vjeç, mirëmbajtës i rrugëve në Njësinë Administrative Baldushk, i cili gjatë kohës që ka qenë duke punuar në fshatin Vrap, ka rënë në kontakt me rrymën elektrike dhe për pasojë ka ndërruar jetë. Grupi hetimor ndodhet në vendngjarje dhe vijon punën për zbardhjen e rrethanave të ngjarjes.
