Një ngjarje e rëndë ka ndodhur mëngjesin e sotëm në fshatin Sulaj të Fierit. Një 23-vjeçar nga Tropoja është gjetur i pajetë në vendin e quajtur “Kthesa e Hamilit” në fshatin Sulaj të Fierit.
I riu është identifikuar si Florian Selimi. Mësohet se viktima ishte nga Tropoja dhe kishte ardhur vitet e fundit në fshatin Sulaj të Fierit.
Dyshohet se i riu ka ndërruar jetë si pasojë e plagës së marrë me thikë, ku dyshohet se ka ndodhur gjatë një konflikti.
Mendohet se drejtuesi i mjetit është nxjerrë nga makina dhe është ekzekutuar në kanal pranë rrugës.
Pranë kanalit është gjetur një makinë e braktisur tip “Renault”, me targa AA641EN. Njëra nga gomat e mjetit ka qenë e hequr dhe kafano ka qenë e hapur.
Grupi hetimor po punon për zbardhjen dhe dokumentimin e kësaj ngjarje.
