Një aksident tragjik në Athinë i ka marrë jetën një 22-vjeçareje shqiptare, Izabela Kuteli, me origjinë nga Dukati i Vlorës.
Humbja e saj e parakohshme ka sjellë një dhimbje të thellë mes familjarëve, miqve dhe të gjithë atyre që e kanë njohur. E re në moshë dhe e vlerësuar për natyrën e saj të dashur, Izabela ka lënë pas një boshllëk të madh.
Në rrjetet sociale janë publikuar dhjetëra mesazhe prekëse ngushëllimi nga familjarë, miq dhe bashkëfshatarë, të cilët ndajnë trishtimin për këtë humbje të madhe.
