Një nënë ukrainase me zemër të thyer ka gjetur trupin e djalit të saj katërvjeçar 26 ditë pasi ai u zhduk në një anije ku po arratisej me gjyshen e tij nga raketat dhe bombat ruse.
Sipas Dailymail, Sasha Zdanovych po ikte nga forcat e Putinit me një anije përgjatë një rezervuari në lumin Dnieper afër Kievit me gjyshen e tij Zoya, 60 vjeç. Ata kishin veshur xhaketa shpëtimi kur anija u përmbys nga të shtënat ruse dhe Zoya u vra dhe trupi i saj u gjet menjëherë më pas.
Nëna e Sashës, Anna Yakhno, 25 vjeç, kishte shpresuar që fëmija i saj i vetëm të kishte shpëtuar dhe të ishte transportuar në një vend të sigurt nga ukrainas të tjerë të arratisur.
“Falënderoj të gjithë ata që besuan dhe që ndihmuan në kërkim. I falënderoj të gjithë për lutjet dhe besimin tuaj. Ju falënderoj për mbështetjen tuaj. Sashenka, engjëlli ynë i vogël tashmë është në Parajsë! Sot shpirti i tij ka gjetur paqen.‘- u shpreh Yakhno.
Më herët ajo tha se shpresonte për një ‘mrekulli’ pasi dëgjoi mundësinë se vogëlushi i saj të vetëm të ndodhej me refugjatët që ikën në Rumani, por ky informacion nuk ishte i saktë. Ajo gjithashtu shpresonte që një fshatar ta kishte marrë atë në shtëpinë e tij për t’u fshehur nga masakra e shkaktuar nga pushtuesit e Putinit. Deri në tërheqjen ruse, ishte e vështirë të kërkonte zonën ku ai u zhduk pasi tetë persona ishin larguar me një varkë të vogël.
