Një tjetër ngjarje e rëndë ka tronditur vendin, një vajzë e mitur 11 vjeçe është përdhunuar nga një 60-vjeçar. Në emisionin “Historia ime”, vjen një rrëfim tronditës nga një nën, identiteti i të cilës ka mbetur anonim për shkak të ndjeshmërisë së lartë të çështjes dhe për sigurinë e familjes së saj.
Gruaja në fjalë është nga qyteti i Elbasanit dhe pas divorcit nga bashkëshorti është zhvendosur në Tiranë, ku jeton së bashku me 3 vajzat e saj prej 6 vitesh. Nëna ka treguar historinë e abuzimit të vajzës më të vogël të saj, e cila ka rënë pre e një abuzimi ende pa mbushur 12 vjeç.
E mitura ka shkuar në qytetin e Elbasanit për vizit tek familja e babit të saj dhe kur do të kthehej në Tiranë, gjyshja e shoqëron në terminalin e autobusëve nder qytetas të Elbasanit. Ajo i ka kërkuar një zotërie rreth të 60-ve, duke menduar se ishte fatorinoja i autobusit të kujdesej për të deri në momentin që do takonte të ëmën.
Në autobus, vajza është ngacmuar nga ky njeri, por nuk ka mundur të reagojë nga frika. Pasi zbret nga autobusi, ky njeri i thotë se do ta marrë me vete në shtëpinë e tij, nis të bëjë sjellje që e frikësojnë dhe vajza, e trembur, pranon.
Kur mbërrijnë në shtëpinë e 60-vjeçarit, ai nis ta prekë, puthë dhe i kërkon të zhvishet, ndërsa e kryen edhe vetë si veprim. Vajza, gjen një moment për t’ia mbathur dhe jashtë banesës i kërkon ndihmë një vajze për të kryer një telefonatë drejt së ëmës që të shkojë ta marrë.
Kur kthehet në shtëpi, rrëfen në mënyrë të cunguar ngjarjen e tmerrshme. Nga kontrolli fizik që e ëma dhe tezja kanë kryer ndaj vajzës, kanë parë që vajza ishte e lagur dhe nuk kishte mbathjet.
Pas denoncimit në polici, i cili ka ndodhur dy muaj më parë, 60-vjeçari është arrestuar pasi e mitura mbante mend adresën e banesës dhe ai nk ka kryer rezistencë. Autoritetet nuk kanë kryer një kontroll mjeko-ligjor ndaj saj, nuk kanë kryer asnjë procedurë ekzaminimi apo foto.
Nëna nuk e di se çfarë ka ndodhur gjatë marrjes në pyetje, por që nga ajo ditë, e bija është mbyllur në vetvete, nuk pranon të flasë me askënd, as me motrat e mëdha apo shoqet, ka lënë shkollën, përjeton frikë nëse sheh meshkuj të moshës së mesme dhe qëndron vetëm gjatë gjithë kohës.
Mirela Milori: Po vajzat e tjera si po e jetojnë këtë moment?
Zonja: Edhe për ato nuk është e lehtë sepse vajza e vogël ka qenë një tip që dilte, alegro, i shkathët, ndërsa tani është mbyllur më shumë në vetvete.
Mirela Milori: Po shoqe i vijnë për ta takuar?
Zonja: Po, madje i shkruajnë, por nuk do të takojë askënd.
Mirela Milori: Po në shkollë ke folur me mësuesit ose dikë që mund ta ndihmojë për të dalë nga kjo gjendje?
Zonja: Është bërë mundimi dhe ajo thotë “kam qejf të shkoj, por nuk mundem”.
Mirela Milori: Ke folur ndonjëherë se çfarë e pengon?
Zonja: Thjesht vetëm sheh dhe nuk flet fare. As tezja që i jep kurajë dhe i thotë “më ke mua këtu” nuk merr reagim. Fshihet pas derës, rri ulur, do të rrijë më shumë vetëm, mundohet të flasë, por nuk e bën./ Klan
