Një ngjarje e rëndë dhe aspak e hijshme ka ndodhur në shkollën fillore “7 marsi” në Prishtinë, ku nëna e një nxënëseje ka sulmuar me thikë mësuesen e së bijës.
Reagimet për ngjarjen në fjalë kanë qenë të shumta, ndërkohë raportohet ndër të tjera se fatmirësisht mësuesja është jashtë rrezikut për jetën.
Në pranga ka përfunduar e dyshuara 38-vjeçare B.D, pra nëna e nxënëses e cila ka sulmuar mësuesen 49-vjeçare me iniciale A.P.
Thuhet se po punohet për zbardhjen e plotë të ngjarjes, ndërkohë pritet që në vijim të publikohen detaje të reja për rastin e rrallë. /balkanweb.com
