Një ngjarje e rëndë ka ndodhur ditën e sotme në Tiranë, ku një i ri ka humbur jetën.
Konkretisht, ngjarja ka ndodhur në Bathore dhe një 28-vjeçar i identifikuar si Fatjon Lleshi ka ndërruar jetë në vendin e tij të punës.
Ai punonte në një gomisteri dhe shkak për ngjarjen e rëndë është bërë shpërthimi i gomës së një mjeti.
Sipas informacioneve paraprake, 28-vjeçarit i ka plasur goma gjatë kohës që punonte, duke e lënë të plagosur rëndë dhe më pas ai ka ndërruar jetë rrugës gjatë transportimit në spital.
Ndërkohë grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
