E rëndë në Mirditë! Vetëmbytet në rezervuar 56-vjeçari

Një ngjarje e rëndë ka ndodhur mëngjesin e sotëm në fshatin Gëziq të Mirditës, ku një 56-vjeçar dyshohet se është vetëmbytur në rezervuarin e zonës.

Polumbarët e Forcave Speciale RENEA janë angazhuar në kërkimin e trupit, ndërsa hetimet vijojnë për të sqaruar rrethanat e plota të ngjarjes.

Sipas të dhënave paraprake, dyshohet se viktima mund të ketë pasur probleme të shëndetit mendor.

Njoftimi i Policisë:

Mirditë/Informacion paraprak

Rreth orës 05:55, është njoftuar Salla Operative se në rezervuarin e fshatit Gëziq, Mirditë, dyshohet se është vetëmbytur shtetasi N. N., 56 vjeç, banues në fshatin Gëziq.

Paraprakisht dyshohet se 56 vjeçari vuante nga shëndeti mendor.

Për gjetjen e trupit të 56 vjeçarit janë nisur polumbarët e Forcave Speciale Renea.

Grupi hetimor po punon për zbardhjen e rrethanave dhe dokumentimin ligjor të rastit.