Një rast i rëndë i rëndë i viktimave nga koronavirusi është regjistruar në Kosovë gjatë 24 orëve të fundit. Një fëmijë vetëm 1 vjeç ka humbur jetën në Prishtinë. Lajmi është bërë i ditur në njoftimin zyrtar të shifrave të Covid-19 nga Instituti Kombëtar i Shëndetit Publik në Kosovë.
“Brenda 24 orëve janë raportuar 4 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 1 rast (78 vjeç), Mitrovicë 1 rast (67 vjeç), Podujevë 1 rast (42 vjeç), Prishtinë 1 rast (1 vjeç)”, thuhet në njoftim.
Nuk dihet nëse fëmija ka pasur probleme të tjera shëndetoësore, ndërsa ai ka qenë në mesin 4 katër viktimave që janë regjistruar në 24 orët e fundit. Kosova raportoi sot 170 raste të reja me Covid-19 nga 2.545 testime të kryera. Që prej fillimit të pandemisë në Kosovë janë regjistruar 106.192 raste nga 549.286 persona të dyshimtë në virusin SARS-CoV-2 dhe 2.202 raste të vdekjes. Gjatë 24 orëve të fundit, janë shëruar 389 pacientë derisa numri i përgjithshëm i të shëruarve deri më sot është gjithsej 97.057 raste, kurse numri i rasteve aktive është 6.933. Kosova mori 24 mijë dozat e para të vaksinës AstraZeneca në 28 mars, ndërsa një sasi tjetër mbërriti në 4 maj nga vaksinat e Pfizer/ BioNtech që ishin pjesë e kontigjentit që Bashkimi Europian pritet të dërgojë së shpejti në Kosovë.
