Një shqiptar është venë në prangat e Policisë italiane këtë të shtunë pasi akuzohet se ka rrëmbyer një 26-vjeçare po ashtu shqiptare dhe djalin e saj 5-vjeçar në Grigno (Trento). Raportohet se shqiptari, identiteti i të cilit nuk bëhet me dije e ka ndjekur të renë dhe e ka rrëmbyer në momentin që po linte djalin në çerdhe. Denoncimin në polici e ka bërë burri i 26-vjeçares, pasi kjo e fundit u vonua për tu kthyer në shtëpi. Mediat italiane shkruajnë se shqiptari nën kërcënimin e thikës e ka detyruar bashkëatdhetaren e tij që të ndalojë makinën dhe më pas e ka drejtuar vetë mjetin.
Më pas iu ka vendosur nënës dhe djalit të saj lidhëse plastike rreth kyçeve të këmbës. Nëpërmjet aktivizimit të një lokalizimi teknik të gjerë të autorizuar nga Prokuroria Publike e Padovës, e cila koordinoi kërkimet, me ndihmën vendimtare të sistemeve të shumta të zbulimit të targave të vendosura përgjatë arterieve rrugore, Karabinierët e Komandës Provinciale të Padovës, të mbështetur nga kolegët e komandave provinciale të Treviso, Vicenza dhe Trento ishin në gjendje të identifikonin itinerarin e automjetit, i drejtuar gjithmonë nga shqiptari i arrestuar
Ndjekja vazhdoi për gati njëqind kilometra kur, në zonën Grigno (TN), pajisja komplekse e ngritur nga ushtria arriti të lokalizojë makinën që po ikte, e cila u bllokuar. Shqiptari u vendos në pranga ndërsa 26-vjeçarja dhe djali i saj u gjetën në kushte të rënduara psikologjike nga trauma që kishin kaluar. Policia italiane shprehet se ende nuk dihen arsyet që çuan shqiptarin në vendimin ekstrem për të rrëmbyer bashkëatdhetaren dhe djalin e saj të mitur.
