Një ngjarje e rëndë raportohet të ketë ndodhur në Greqi. Mediat vendase atje kanë berë me dije se autoriteti Portual i Pitagorionit u informua sot në mesditë për ekzistencën e gjymtyrëve të poshtme të një njeriu në zonën tokësore të Poseidoni, në ishullin Samos.
Oficerët e Autoritetit Portual përkatës shkuan menjëherë në këtë zonë, ku gjetën dhe grumbulluan eshtrat e poshtme njerëzore të njê njeriu që ende nuk i dihet gjimia si dhe elementë të tjerë si xhinse dhe një palë këpucë (çizme) me ngjyrë bezhë.
Gjymtyrët janë transportuar për në spitalin e Samos, ku pritet të bëhet ekzaminimi mjeko-ligjor që mund të zbulojë detaje të reja rreth ngjarjes ndërsa do të mblidhen të dhënat për të zbuluar identitetin e viktimës së gjymtuar.
Ndërkohë kujtojmë se para disa kohësh u raportua një histori e ngjashme në Greqi. Trupi i pajetë i një gruaje u gjet i futur në një valixhe, e cila ishte hedhur në një pusetë në një zonë të thellë.
Ajo ishte me origjinë kineze dhe ishte shpallur e humbur nga familjarët e saj në Kinë, por vijojnë hetimet për të zbuluar se si përfundoi e masakruar brenda valixhes, brenda të cilës u gjetën një palë të brendshme.
