Një ngjarje e rëndë është regjistruar mëngjesin e ditës së sotme në qytetin e Durrësit ku një grua është gjetur pa shenja jete brenda një makine. Gruaja e gjetur ishte rreth 40 vjeçe ku dyshohet se mund të jetë një ‘endacake’ dhe mjeti ku ajo është gjetur ishte jo funksional, pra prej kohësh ai ishte i parkuar pa u përdorur nga askush. Nga kontrollet e kryera të shërbimeve të emergjencës mësohet se në trupin e viktimës nuk janë konstatuar shenja dhune dhe dyshohet se mund të ketë ndërruar jetë në kushte natyrale, pasi mund të ketë vuajtur nga ndonjë sëmundje apo diçka tjetër. Ende nuk dihen rrethanat e plota të ngjarjes së ndodhur dhe autoritetet e policisë së bashku me forcat e emergjencës po punojnë për përcaktimin e plotë të shkakut ty vdekjes së 40 vjeçares dhe identifikimin e saj.
Njoftimi i plotë i Policisë Durrës:
Më datë 13.09.2021, në lagjen nr.4, Durrës, në një mjet të parkuar prej kohësh (në gjendje jofunksionale), është gjetur pa shenja jete një shtetase ende e paidentifikuar rreth 40 vjeçe, (endacake).
Nga këqyrja paraprake nuk janë konstatuar shenja dhune dhe dyshohet se ka ndërruar jetë nga shkaqe natyrale. Grupi hetimor po punon për përcaktimin e shkakut të vdekjes dhe identifikimin e viktimës.
