Ditën e sotme në plazhin e Durrësit është gjetur trupi i pajetë i një gruaje.
Mësohet se viktima është identifikuar si 53-vjeçarja Alma Lamuça. Kufoma eshte evidentuar nga kalimtarë të rastit në zonën e sektorit Iliria.
Trupi i saj u dërgua në morgun e spitalit të Durrësit, për të kryer autopsinë, ndërsa sipas policisë nga këqyrja paraprake e trupit të 53-vjeçares nuk janë konstatuar shenja dhune.
‘Rreth orës 11:20, në lagjen nr .13, është gjetur në det, trupi i pajetë i shtetases A. L., 53 vjeçe, banuese në Tiranë, e cila dyshohet se është mbytur aksidentalisht në det. Nga këqyrja paraprake e trupit të 53-vjeçares nuk janë konstatuar shenja dhune. Grupi hetimor vijon punën për sqarimin e rrethanave të ngjarjes”, njofton policia.
