Ndeshja LaLiga Santander midis Cadiz dhe Valencia u ndërpre në pjesën e parë pas një përplasjeje midis Juan Cala dhe Mouctar Diakhaby.
Diakhaby ndoqi lojtarin e Cadiz pasi dyshohet se dëgjoi një fyerje raciste, megjithëse nuk është ende e qartë saktësisht se çfarë komentesh ishin shkëmbyer. Pas një diskutimi të gjatë midis lojtarëve dhe gjyqtarit dhe pasi Diakhaby madje iu dha një karton i verdhë, lojtarët e Valencia vendosën të largoheshin nga fusha si përgjigje.
Lojtarët e Valencias u solidarizuan me shokun e tyre të skuadrës dhe në minutën e 32-të braktisën ndeshjen për rreth 20 minuta në pjesën e parë, ndërkohë që rezultati ishte 1-1. Pikërisht Cala kishte kaluar Cadiz në avantazh, por miqtë rikthyen baraspeshën falë rrjetës së Kevin Gameiros. Ndeshja rifilloi dhe të dy lojtarët u zëvendësuan nga trajnerët respektivë.
Në fund fitoi Cadiz 2-1, falë golit të Marcos Mauro dy minuta përpara fundit të ndeshjes. Argjentinasi i dhuroi tre pikë të rëndësishme skuadrës së tij, teksa priten të merren masa në lidhje me ngjarjen e ndodhur në pjesën e parë. Valencia postoi dy njoftime, duke thënë se lojtari i tyre mori një fyerje raciste dhe se ai i kishte nxitur shokët e tij të skuadrës që të dilnin dhe të luanin.