Juventusi ka konfirmuar kthimin e Massimiliano Allegri si trajner pas shkarkimit të Andrea Pirlos. Allegri u largua nga klubi në vitin 2019 dhe u zëvendësua nga Maurizio Sarri i cili nuk qëndroi për gjatë në krye të klubit edhe pse fitoi kampionatin. Pirlo më pas mori drejtimin në verën e kaluar dhe pavarësisht se bardhezinjtë përfunduansezonin me dy trofe, presidenti Andrea Agnelli ka vendosur të bëjë një ndryshim tjetër.
“Massimiliano Allegri është trajneri i Juventusit edhe një herë. Allegri gjen një pankinë që e njeh shumë mirë, një klub që e do, pasi sot fillon një udhëtim i ri së bashku, drejt qëllimeve të reja Tani ne jemi gati të fillojmë përsëri me Allegrin, për të ndërtuar të ardhmen tonë së bashku; me profesionalizmin e tij të madh, forcën e tij morale, me idetë e shkëlqyera të një traineri të aftë për të përzier kartat, si brenda dhe jashtë fushës. Me buzëqeshjen e tij, një lloj “nënshkrimi”. Me mënyrën e tij për të kuptuar futbollin dhe jetën me thjeshtësi, me dëshirën e tij për të vënë gjërat në lëvizje dhe me angazhimin për të shijuar çdo moment të bukur që të jep angazhimi me Juventusin. Le të fillojmë përsëri së bashku. Le të fillojmë përsëri me Max. Mirësevini në shtëpi, trajner!” , thuhet në deklaratën e klubit torinez.
