Një i ri 24-vjeçar është kapur në flagrancë nga Policia e Shkodrës.
Operacioni policor i koduar “Kiras” është finalizuar me ndihmën e forcave “Shqiponja”.
I arrestuari është shtetasi me iniciale S. B., banues në lagjen Guerile, Shkodër.
Gjatë kontrollit të ushtruar në banesën e tij, policia sekuestroi dy armë zjarri, një palë dylbi, dy krëhëra automatiku me 60 fishekë, dy krëhëra pistolete me 14 fishekë, targa automjetesh, 3 telefona celular, aparat DVR, një thikë, një automjet e sende të tjera.
Materialet iu referuan Prokurorisë së Rrethit Gjyqësor Shkodër për veprën penale “Armëmbajtja pa leje”.
