Autoritetet britanike kanë arrestuar dy shqiptarë për kultivim kanabisi.
Ata u kapën brenda në një banesë në Swansea me 300 rrënjë kanabisi.
Në pranga kanë rënë Pashko Paluca 26 vjeç dhe Bekim Selimi 27 vjeç.
Më 18 shtator, Gjykata e Swanseas kishte lëshuar për ta urdhër arreste, pasi kishin siguruar të dhëna për kultivimin e drogës.
Dy shqiptarë u kapën në flagrancë nga forcat e policisë angleze në një banesë në luginën e Swansea-t teksa po kultivonin mbi 300 rrënjë kanabis.
Kamera e sigurisë të policisë, kanë regjistruar edhe momentin e arrestimit të Selimit, i cili po kujdesej për bimët narkotike.
Në xhep atij iu gjetën edhe 250 paund.
Pashko Paluca ndërkohë u tregoi oficerëve se kërkonte të grumbullonte një shumë 5000-6000 paund.
Avokati i tij tha se këto para Paluca do t’i përdorte për kurimin e së ëmës, që vuan nga kanceri.
Më tej ai shtoi, se klientit të tij i ishte premtuar një punë në ndërtim, por kishte përfunduar në rrjetin e trafikut të drogës.
Pasi të vuajnë dënimin me burg, dy shqiptarët do të deportohen.
