Drejtori i Përgjithshëm në Ministrinë e Jashtme të Kosovës, Albert Prenkaj, është shkarkuar ditën e djeshme nga detyra.
Pezullimi është bërë me anë të një vendimi nga ministrja e Punëve të Jashme, Meliza Haradinaj.
Përmes një komunikimi me mediat ai është shprehur se vendimi i Ministrisë ka qenë i padrejtë dhe pa baza ligjore.
Prenkaj nuk ka treguar detaje për veprimet që do të ndërmarrë, por sipas Haradinaj ai është shkarkuar për shkelje në detyrë.
Prenkaj tha:
“Jam pezulluar nga pozita dhe mendoj se është një vendim i pabazuar.
Pezullimet ndodhin pas mbledhjes së një komisioni dhe kjo nuk ka ndodhur në rastin tim.
Pezullimi nuk ka bazë ligjore”.
Kujtojmë se ish-drejtori, mori vëmendjen e mediave në Shqipëri pak ditë më parë, pasi ai quajti “psiko politik” dhe “autokrat” kryeministrin Edi Rama, pas vendimit të prishjes së Tetarit Kombëtar.
Në një shkrim në rrjetet sociale, Prenkaj krahasonte kryeministrin Edi Rama që shembi Teatrin Kombëtar, me Neronin që i vuri flakën Romës.
