Detaje të reja janë zbuluar nga hetimi për 300 kg drogë me vlerë 100 milion euro që u kap në Selanik.
Droga kishte ardhur nga Amerika Latine dhe në pranga ranë 2 shqiptarë dhe një kroat.
Ndërkohë një tjetër shtetas kroat u shpall në kërkim për shkak se në momentin e arrestimit u hodh nga ballkoni i shtëpisë dhe arriti t’i ikte policisë.
Mediat greke shkruajnë se dy shqiptarët e arrestuar merreshin me biznesin e hotelerive në vendin fqinj.
Baza e tyre ishte në Athinë dhe më pas e shpërndanin drogën në ishujt grekë. Mediat greke shkruajnë se ka dyshime që një ngarkesë tjetër pas asaj me 300 kg do të vinte nga Amerika Latine. Por mendohet se ajo ka dryshuar drejtim, tashmë që grupi u godit nga policia greke.
Ditën e sotme policia sekuestroi:
(324) kg kokainë e pastër e ndarë në (260) pako
(5,265) euro dhe valutë të huaj
(5) celularë që përdorën për komunikimet e tyre.
Kokainë brenda arushit
Një çift shqiptarësh ka rënë në prangat e policisë helene, pasi akuzohen për trafikim të lëndëve narkotike.
Mediat greke bëjnë me dije se në pranga ka rënë një burrë me emrin Ardian, po në Greqi e quanin Aris, dhe bashkëshortje e tij, Nela.
Mësohet se çifti shkonte në Athinë për t’u furnizuar me kokainë, të cilën e fshihnin brenda kukullave, arinjve të pellushit.
Ishte gruaja ajo që mbante arushët e mbushur me drogë. Policia ka arrestuar shqiptar sapo kanë zbritur nga anija, pasi ishin kthyer nga Athina. Gjatë kontollit u zbulua dhe kokaina në arush.
