Dy rastet e reja në Shkodër/ Gruaja mori pjesë në varrimin e bashkëshortit, tjetri ishte tregtar

Google+ Pinterest LinkedIn Tumblr +

Dy raste të reja u konfirmuan sot nga Ministria e Shëndetësisë në Shkodër.

Bëhet fjalë për një 65-vjeçare nga lagja Kiras dhe një 55-vjeçar nga Dobraçi.

Të dy këta persona, nuk kanë lidhje me rastet e mëparshme në qytetin verior.

Mësohet se gruas i kishte vdekur dy javë më parë bashkëshorti dhe në funeral morën pjesë shumë persona.

I prekuri tjetër ndërkohë administronte një njësi tregtare në Shkodër, duke shtuar edhe më tej frikën për infektime të reja, pasi ka pasur kontakte me shumë njerëz.

Në përditësimin e të dhënave rreth COVID-19 në vendin tonë, gjatë 24 orëve të fundit janë shënuar 16 raste të reja.

Numri i të prekurve në total ka shkuar në 277, nga të cilët 16 janë viktima dhe 76 të shëruar.

Në spitalin Infektiv ndodhen 81 persona, 8 prej të cilëve në terapi intensive, ku 4 janë intubuar.

Njëkohësisht është rritur edhe numri i fëmijë të prekur, duke shkuar në 8.

Shpërndaje
Share.

Komento