Dy burra të armatosur janë futur në mes të një turme që po qëndronte para një salloni bukurie në Queens, New York, dhe kanë hapur zjarrë duke plagosur rëndë dhjetëra njerëz dhe më pas u larguan me motoçikleta, ka njoftuar policia lokale.
Ngjarja e rëndë ndodhi në bashkinë Corona, mësohet se të plagosur kanë mbetur tetë burra e dy gra, të moshave midis 19 dhe 72-vjeç. Gjithashtu ata janë shtruar në spital dhe po marrin kujdesin e nevojshëm shëndetësor. Sipas burimeve zyrtare nga poolicia, të lënduarit ndodhen jashtë rrezikut për jetën.
Policia ka zbuluar se agresorët kanë ardhur në vendin e sulmit në këmbë, por më pas janë larguar me motoçikleta, të cilat ishin gati. Gjithashtu personi i cili është plagosur më rëndë është një burrë identiteti i të cilit nuk bëhet i ditur, por sipas policisë ai është goditur në stomak. Të katër agresorët kishin veshur xhupa me kapuç, shtoi policia.
Tre nga të plagosurit janë anëtarë të Trinitarios, një bandë rruge nga Republika Dominikane, dhe besohet se ata kanë qenë shënjestra.
“Ky ishte një sulm i koordinuar, i cili është i papranueshëm dhe duhet të ndalet,” është shprehur një nga oficerët e policisë. Asnjë arrestim nuk është bërë deri më tani, dhe policia tha se do të publikonte fotografi dhe video nga vendi i të shtënave.
